| | Café littéraire | | | Sujet : | ch'tchiot prince XI |
| | | cartouche | 15/10/2011 13:43 |
| L’seconde planète étot habitée par un vaniteux :
- Ah ! Ah ! Vla l’visite d’un admirateur ! s’écria ed’long ch’vaniteux dès qu’y aperchut ch’tchiot prince.
Car, pour chés vaniteux, les autes hommes sont ed’z’admirateurs.
- Bonjour, dit ch’tchiot prince. Vous avez un drôle ed’capieau.
- Ch’est pour saluer, li répondit ch’vaniteux. Ch’est pour saluer quand in m’acclame. Malheureusemint y passe jamais personne par ichi.
- Ah ouais ? dit ch’tchiot prince qui n’avot pas compris.
- Tape tes mains l’eune conte l’aute. Ch’vaniteux salua modestemint in soulevant sin capieau.
- Cha ch’est plus amusant que l’visite à ch’ro, s’dit in li-même ch’tchiot prince. Et y arcommincha ed’taper ses mains l’eune conte l’aute. Ch’vaniteux arcommincha ed’saluer in soulevant sin capieau.
Après chinq minutes d’exercices ch’tchiot prince s’fatigua de l’monotonie de ch’ju :
- Et, pour que ch’capieau y quait, deminda-t-il, quo qu’ch’est qui faut faire ?
Mais ch’vaniteux n’l’intindit pas. Chés vaniteux n’intintent jamais qu’chés louanches.
- Est-ce que te m’admires vraimint gramint ? deminda-t-il à ch’tchiot prince.
- Qu’est-ce que cha signifie admirer ?
- Admirer cha signifie arconnaite que j’sus l’homme l’pus bieau, l’miux harnéqué, l’pus riche et l’pus intelligent de l’planète.
- Mais t’es tout seu sur t’planète !
- Fais me ch’plaisir. Admire me quand même !
- J’t’admire, dit ch’tchiot prince, in haussant un peu ses épaules, mais in quo cha peut bin t’intéresser ?
Et ch’tchiot prince s’in fut.
Chés grindes personnes sont décidémint bin bizarres, s’dit-il simplemint in li-même durant sin voyache.
| |
|
| 
| |
| | | |
| |
|
| Connaissez-vous
ce mot ? | | en ch'ti | : | intraîner | | français | : | entraîner | | genre | : | v. |
| |
|
|
Accueil forums