Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :des nouvelles d'eune ancienne
therese09/11/2019 11:50
Coucou Batisse

J'avos pas perdu min mot de passe mais ch'bistrot y étot toudis vide.
J'ai vu qu'Eddy y étot v'nu actualiser un peu, in va peut être artrouver des anciens.
Grosses bises à ceux qui vont m'arconnaîte
batisse09/11/2019 13:04
Commint que t'as deviné que je viendros ichi? Te n'd'es eune sacrée tisaute.
Ch'est vrai que ch'étot toudis vide. Mais comme te dis, i a l'air que notre bon monsi Eddie i a artrouvé l'clé et qu'i permet à nouvieau aux ginses d'intrer. Ch'est miux ainsi énon?
Donc, si qu'i a des nouvieaux inscrits qui listent, n'hésitez nin à mettre un tiot mot. L'sang neu, ch'est souvint bon....
Les inciens aussi, bin sur.
Eune baisse à tertous et sin quien!
JULES11/11/2019 17:38
vu qu'min n'veu me donne l'autorisation, j'vais mette min grain d'sel.. cha serot bien si in artrouvot un tiot peu l'ambiance d'avant, bien qu'in ait pris ine coupe d'années...Mais faut dire aussiqu'avec les actualités actuelles, chés gins n'ont pu gramin l'cœur à la gaudriole
Mi j'ai faait dins la simplicité je n'sais même pu sous que nom j'sus inscrit, j'ai vire cha après avoir validé Bin, j'vous imbrasse aussi
batisse11/11/2019 18:22
Vlà qu'i ne sait pu sin nom mononque...
In puq te parles d'eune drôle de manière. Infin, j'troufe. Quo que te sous intinds par "j'ai viré après avoir validé Bin"?
Te t'avos aussi inscrit sous le pseudo Bin.
Si que j'comprinds bin, t'es bin, mari de théresse. Pourtint, l'bain marie, ch'est eune espécialité d'eune autre.
Quo qu'ch'est que te cafouilles?
Te vas nous faire tourner bourrique tisaute!
Allez, eune grosse baisse quind même, voyou.
therese25/11/2019 19:02
Bin té vos Batisse, ch'fil y a été cassé, et j'cros qu'in artrouvra jamais les momints d'folie qu'in a trouvé ichi et ch'est bien dommache.
Un grand bravo à ceux qui ont tout démoli, j' pinse qu'y vont s'arconnaite
eleonore22/12/2019 09:17
Ne brais nin tiote sainte Théresse. T'es déjà assez de misère comme cha avec tin voyou d'homme. Mais quo que t'as pinsé ch'jour-là? Te t'as laichie imbobiner par ses roulaches de mécanique? Ou sin sourire injoleux derrière s'moustache?

Et t'as résisté aux rollmops trimpés dins l'café au lait au tiot déjeuner et tout cha. T'es t'eune sainte je te le dis.

Ouais ben à part cha t'as raison, in peut dire toutes les bêtisses qu'in veut ichi. I a comme dirot l'artisse un silince assourdissint. Comme dins l'cour de l'école à côté de chez mi. Au moins cha laisse des bons souvenirs. In arot du printe des notes, comme in prind des photos ou des inregistremints sonores. Ch'est vrai qu'i reste des vestiges de ch't'époque chu l'site, mais ch'est l'fin de l'fin, à partir de 2009. Tcheu dommache que les 5 ins d'avint is ont été supprimés à cause de tinsions avec l'nouvielle vague.

Et d'ùche qu'elle est l'nouvielle vague? Je casse tout et je m'in vas. Débrouillez vous avec les ruines.
batisse22/12/2019 09:19
Oups, j'ai gaffé!
Ch'est nin eleonore sins accints qu'elle a écrit, ch'est tin neveu.
Te m'avos arconnu?
therese26/02/2020 15:49
eh oui, vaut mieux tard que jamais, j'espère que t'a pas trop attindu m'réponse. Même déguisé in Eléonore j'ai arconnu tout de suite tin parlache du nord. T'a biau dire cha vaut pas l'parlache des boyaux rouches
Bisous min n'veu
batisse12/03/2020 18:36
Eh beh, te me verros, j'ai des arnitoiles tout partout comme is distent les boyaux rouches. T'as vu je fais des efforts pour sortir des mots que vous compernez. Je vous gâte énon, mes tiots bradés.

Ouais, ch'est m'première intervintion ichi in 2020 mais ch'est nin l'première fos que je viens chu l'site. M'tiote soeur rieuse de gins (i n'd'a souvint un ou eune dins les familes) elle a venu faire un tour dins min coin in jinvier. Pour s'arposer de s'fabrique et pour fuir des travaux qu'i avot à s'majon. Elle a bin fait de venir parce qu'in a passé du bon timps et parce qu'à s'majon les travaux is ont tourné au cauchemar.

In a même été juer dins de l'neiche toute fraiche qu'elle avot tché exprès pour nousautes chu les hauteurs.

Bref, parmi tout cha qu'in a causé tchand qu'elle étot là, in a causé de chti.org. J'i a expliqué que j'avos réussi à m'connecter in utilisint sin nouvieau pseudo et sin nouvieau mot de passe. Même que j'avos causé à s'plache. Eune fos in le faijint exprès et eune fos par erreur in m'étint nin armis chu min compte à mi. Le premi qui dit que je chus un balochard i se prind eune margnoufe! Foque les hommes. Je ne buque nin chu les guernoules, foque si qu'elles ont eune guêpe ou eune séquo chu elle qui pourrot lu laire du mau.

Du coup j'ai voulu li montrer commint j'avos fait et... cha n'a nin marché!

J'ai idée de faire un nouviel essai, pour vir, juste ichi après.

D'ac, in fait comme cha? Allez, roulemint de timbour, suspince....
Eleonore12/03/2020 18:42
Bon, cha n'a nin marché. Le pseudo i est accepté mais nin le mot de passe.

Par contre i a l'air que le machin pour récupérer sin mot de passe i est in plache. Mais comme i faut donner s'n'adresse émile et que l'sienne ch'est nin l'mienne cha ne va nin le faire...

Bon, in tous les cas cha m'ara donné l'occasion de linchi eune boutelle à la mer in direction de quelqu'un qui lira peut-être un jour.
batisse13/03/2020 13:50
Ben... ch'est quo ch'brun?
Tchand que j'essaie de me contacter sous sin pseudo à éléonore in me dit que le mot de passe i n'est nin bon et vlà qu'in me connextint in tant que batisse je publie sous sin nom à éléonore.
A m'mote que mononque jules i comprind eune séquo à l'infeurmatique. Si qu'i pouvot m'expliquer cha qu'i se passe.
A l'occasion marcel le bertonneux aussi, à condition qu'i ne me deminde nin de faire eune séquo qui mette min lordi in rade. Je le connos l'ojeau...
batisse13/03/2020 19:07
Euh, pour le moqueux de gins, je sais que mes dogts is ont ripé et que j'ai écrit me contacter au lieu de de connecter.
Du coup, hein, in serre s'guiffe du côté de l'boyauroucherie... ou alors ch'est vous qui arez comminchi les hostilités ;o))))
loumarcel11/04/2020 12:32
Salut Tertous, j'vos qui a du monte à ch'momint sus l'site et i in a un qui s'ar'met sus min dos.
Tes eun' mauvaisse lanque Batisse, j'ai jamais mi tin ordi in rate, ch'est ti qui n'sais pas l'faire aller.
Allez portez vou bien Joyeusses Pâques et restez à vou baraque.
batisse07/05/2020 14:59
Avec un messache par mos, in ne va nin user sin clavier ichi dessur et ch'est bin dommache!
In arot pu profiter du confinemint pour passer du timps ichi et essayer d'armettre ch'bazar in route, mais i a l'air que ch'est mal barré.
Cha me fait pinser à un moteur qui a tché in panne à cause d'un mauvais carburint. Et comme i a personne pour pousser...
Bon, j'espère que vous allez bin et que vous avez bin passé vou timps à l'perte pindint deux mos. Mi j'ai un gardin propre que j'in suis étonné mi-même!
Infin bon, j'espère que les choses vont ardevenir normales et que le cruaud i va pouvoir arcomminchi à pousser à s'n'aise, comme d'habitude. J'espère juste qu'i ara nin de gel alintour des saints de glache parce que vinguette, ch'est eune année qu'elle s'annonce archi riche in fruits.
Allez, eune baisse à tertous et sin quien et au mos prochain, ou avint in ne sait jamais!

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:argarder
français:regarder
genre:v.
Accéder au glossaire