Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :Monsi bon sins est demindé à l'acceul
batisse31/01/2019 18:44
In est régulièremint étonné par des lois ou des séquos du ginre qu'in se deminte d'ùche que cha sort et à quo que cha rime.

Ch'est nin nouvieau mais i a l'air que cha impire. A m'mote qu'i a eu un lacher de têtes pinsintes qu'elles ont pris un tiot coup de travers pindint lu formation et qui pinstent de travers.

Cha fait deux tros jours que, aux infos, in nous prévient que les prix de certains produits de base is vont augminter demain, vu qu'à partir de demain les boutiques elles seront obligies de faire eune marge de 10 pour chint minimum.

L'idée qu'elle est derrière cha serot que vu qu'is vindront plus cher is acateront plus cher - si te ne cros nin cheule-là je t'in raconte eune autre - et que, du coup, les industriels à qui is vont acater plus cher is vont aussi acater plus cher aux sinciers, vu que l'but officiel du bazar ch'est de soutenir les sinciers.

Mi j'ai nin fait l'ena mais avec m'pauf tiête de zozo qui a été configurée aux programmes de l'éducation nationale de l'époque d'ùche qu'in poussot à réfléchir, je chus perdu par un raisonnemint parel.

Ch't'au matin j'ai vu dins le journal que parmi les artiques de première nécessité in question i a le ricard et l'ieau minérale.

Le premier qui peut me dire quel sincier va profiter de l'augmintation du prix de l'ieau de Vichy, je veux bin faire un gros effort pour qu'i m'explique. Parel pour les sinciers qui produistent du café... in France. Cha va être café de Guadeloupe obligatoire pour tertous? Quint au ricard, hein, avint d'arriver à un sincier producteux de matière première, i a du quemin à faire au travers d'eune paire de fabriques, nin forcémint frinçaisses.

Et ceux qui décidtent tout cha ch'est nin des élus. Ch'est des gins qui pindint toute lu carrière sont payés pour cachi des séquos ainsi.

Après cha in s'étonne que les gins is se postent des questions chu commint qu'in gère lus doupes.
tiote belotte01/02/2019 18:32
Ouais batisse mi nin pus j'comprinds rin à cheule affaire, cha part d'un très bon sintiment mais j'voudros vraimint vir si que nos sinciers is vont vraimint profiter de cheule nouvelle loi et comme té dis in c'qui concerne l'ricard et l'ieau minérale que rapport avec l'choucroute (et au fait l'choucroute alle fait partie des augmintations, normalemint ouais, l'chou est bin cultivé par des sinciers, quoque asteur avec tout cha qu'in invente in peut s'poser l'question ?)
batisse01/02/2019 19:00
J'ai un doute pour le chou à choucroute. Te me diras, i sort d'eune fabrique, mais nin d'eune de marque. Et vu que ch'est les marques qu'elles sont visées, va comprinte.
Monsi carrouf ou auchan i va être contint: les doupes qu'i va gagner à cause de sin bénef obligatoire chu les produits de marque cha va li permettre de faire moins de marge chu les autres produits... Eune histoire de maboul cha.
I pourrot aussi augminter ses gins ou payer des impôts, mais i ne faut nin rêver énon?

Mi j'attinds toudis qu'i n'd'aiche un qui m'explique le rapport intre l'eau de vichy et les sinciers.
therese01/02/2019 20:35
Batisse, mi aussi j'sus dubitative (t'as vu comme j'parle bien ?)

Qu'in augmente , les patates, les pommes, ch'est normal mais l' Ricard ch'est qui l'agriculteur ? Et pis ,ch'ti là, y a vraimint b'soin d'ête assisté passe que ch'prix y a déjà bien augmenté aujourd'hui, à croire que ch'camion de livraison y attindot à l'porte hier à 24 h, parce que bien sûr, in sait bien qu'in augmente pon le prix du stock in magasin, hein ? Et l'coca-cola, y vont donner des sous à chez amerloks ?
In va pas nous donner des réponses à cha, mais j'sais que mi, aujourd'hui, j'fais partie de ceux qui vont payer

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:mote
français:mode
genre:n.f.
Accéder au glossaire