Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :Le minger chinois
batisse31/01/2019 13:18
Dtaleure, in faijint un gros effort j'ai pinsé in mi-même que je devos arsonner à un chinetoque comme in dijot tchand qu'in étot incore plus jones. Et qu'in avot incore l'drot?

Du coup je m'a dit que vu que d'après les tonnes de prospectus que j'ai archus ches dernis timps, i fêtent lu nouvel an ches jours ichi, je vas aller acater des séquos à eusautes in promo chez monsi Cora ou ailleurs.

Et je vas devoir faire un détour pour passer loin du stand de sushis de Cora parce qu'i à là un couple de viux vrais japonais qui ne souritent jamais qui font des sushis comme is savtent faire et vinguette que ch'est bon. Ch'est quer au kilo mais comparé à des que j'ai acatés chez lideule l'semaine passée, i a nin photo.

Et je seros curieux de savoir si que vous êtes plutôt steack frites et rin d'autre vu que vous avez toudis mingé que cha à vou majon, ou si que vous pluquez volontis dins les plats des autres civilisations.

Dins m'jonesse, les restaurints exotiques ch'étot les pizzérias. Eune des rares autres séquos exotiques de l'époque ch'étot les pop corns. Cha a bin chingé énon?

Depuis ch'timps-là in a tertous eu l'occasion de goûter des nouvelles séquos, sins causer de cha qu'in minge chu plache tchand qu'in va à l'étringer ou qu'in quitte sin départemint ou s'région, cha qu'in ne faijot nin tint que cha dins le timps,

Mi j'aime bin tchand que cha pique. Je mingeros du minger indien chu l'tiête d'un pouilleux. In fait j'aime bin tout cha qui n'est nin trop gras. I a nin longtimps j'ai découvert que les tripes ch'est nin gras du tout. Hmmmm, avec des frites...

Bon, l'raclette ch'est un tiot peu plus gras, mais ch'est tellemint bon aussi. Même si que cha fait des séquos casse pids à netchi à l'vaisselle après.

Alors, et vousautes, plutôt exotiques ou plutôt foque comme chez vou momère?
tiote belotte31/01/2019 19:12
Mi j'ai querre gramint de sequos, exotiques ou nin
Mais y a un bémol i faut nin qui euche des coquillaches, des caracoles ou bin des moules... Ben ouais j'dos ête l'seule chti à nin avoir querre des moules !!!
Après j'eus nin prête nin pu à déguster chés insectes ! J'cros que j'prefèreros devenir végétarienne...
JULES31/01/2019 22:51
Ichi, mes amis, vous me consternez......
M'sainte femme et mi, suite au pétit problème qu'à eu Thérèse à la fin d'l'année, in suit des cours, ou des éstaches, comme o voulez, sur la nutrition.
Ouais, Batisse sors nin tin dictionnaire, ch'est du vrai français, si té veux ine traduction dins nous langue materno-paternelle, in pourrot appeler cha "dis me cha qu'té minche, j'té dirai tout l'contraire"
Alors mi j'te l'dis tout net , .... y'est pon question d'minger des asticots, ni même des moules, d'ailleurs, par contre t'as l'drot d'minger d'l'affourée à lapins, tant que té veux...
Tes viux japonnais commint veux tu qu z'euch'tent l'sourire après ine vie à minger comme cha.
Pi aut'cose aussi, tout cumulé, apéritif, chope d'bière, verre ed'vin t'as l'dro à 2 petits verres par jour seul'mint 5 jours par semaine... pi attintion, hein, l'mesure de ch'ricard c'est pon dins un verre à bière, hein in survelle tout cha, hein, dins chés éprouvette du laboratoire d'analyses.

Mi j'te dis cha, Batisse pour que te d'déméfie quand que t'iras vire Tiote Belotte, des fos qu'alle voudrot t'surinfecter.

Bon si o voulez d'autres consel, je m'tiens à vous disposition suffit d'appeler SOS docteur Jules
Bonne nuit
batisse01/02/2019 11:13
Eh beh, je vos bin jules dins s'n'estache de minger prout prout... A m'mote que si qu'i a dit sin vrai régime alimintaire à l'fmaitresse d'estchache elle a viré au vert olife et elle a pris congé pour au moins deux mos pour s'in armettre.

Te sais mononque jules que je comprinds généralemint bin et même des fos intre les lignes cha que t'écris ou dis, mais là, pourtint je pousse, j'y arrife nin.

Ch'est vou diètesthéticienne qui vous impêche de minger des moules et des insectes ou ch'est ti qui a décidé que ch'est nin bon pour t'ligne? Ch'est elle aussi qui dit que l'pâté au poiff tu peux in minger autint que te veux? Elle in vind?

L'saquache du frein à main chu tes quantités de bière, de pinard et de boules de ricard, ch'est tes résolutions (ne cache nin ch'est du français, dins nou lingache cha serot du ginre promesse pour de faux pour faire plaiji à quelqu'un mais que ch'est normal de nin tenir ou eune séquo ainsi) ou ch'est t'sainte femme qu'elle t'a dit d'y aller mollo parce que te la révelles trop souvint pindint l'nut pour aller te vuder dins l'scéau de nuit in tôle, que cha fait un boucan d'infer à ses orelles?

Vu que min caméon i pourrit à ch't'heure dins sin garache, j'ai pus l'occasion de passer dins tin coin et de t'arwetchi minger. D'ailleurs je me deminte si que m'mémoire elle ne me jue nin des tours. Te pourros me rappeler cha que te prinds normalemint pour tin tiot déjeuner? Et pour tin lapéro?

L'bonne nouvielle ch'est que si que te limites à foque 2 vierres de pinard par jour pindint 5 jours, i te reste 2 jours pour finir les boutelles intamées et in ouvrir des autres. Hein?
tiote belotte01/02/2019 18:28
Ben pourquo Jules té dis que j'vas surinfecter Batisse ?? au contraire, ni moules, ni insectes dins sin assiette.... que des bonnes cosses : des pâtes (et Batisse fait gaffe à tisaute si té éponds des nouilles ! ouais ouais j'te vos rigoler devint tin ordi)
batisse01/02/2019 18:46
Ouais, des macaronis, mais des pantoni...

Ch'étot eune affaire cha.

Ne t'in fais nin tiote, mononque jules i m'in veut et à m'mote qu'i cache des mercenaires pour m'impoisonner. Fais mine d'arien, comme si qu'in n'avot nin armarqué sin manège le pépère.

Ch't'année je chus assez décidé d'incore user des peuneus de mobylette, tint que je peux, et j'iros bin minger des nouilles ichi ou là. In verra...
therese01/02/2019 20:43
T'as raison Batisse de t'méfier de Jules.
Y a été faire des courses aujourd'hui, j'ai rien dit, mais j'vais vérifier quand y va dormir. Je s'ros pas étonnée qu'in prévision des hausses 'y aurot été faire un stock d'poif !
batisse02/02/2019 10:35
Cha ne m'étonnerot nin. Sin poif, i l'acate au kilo? Et s'n'indoule, au mètre?

Quo qu'ch'est qu'i s'a pris comme tiote friindisse?

T'as tchée chu un rute gaillard Théresse. T'as bin du mérite.
loumarcel05/02/2019 09:33
Mi aussi j'minche exotic' comme du cassoulet, du couscous, de l'choucroute, des pizzas, de l'raclette, tout s'qui est chinois ou vietnamien, des fruits d'mer etc..etc..., j'ai minme déjà gôuter à des bestioles grillées, mais j'arriff' pon à minger des souchis.
tiote belotte05/02/2019 14:32
oauis Loumarcel, les souchis vaut miux les laisser aux autes....
batisse05/02/2019 15:43
I n'd'a des qui distetn que les souchis sont secs.

T'as nin honte tiote bellote?

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:maclotte
français:grumeau
genre:n.f.
Accéder au glossaire