Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :De l'neiche à Paris
batisse30/01/2019 17:16
Muillerd polite, tcheue affaire incore eune fos...

Depuis avint hier in n'intindot pus que cha dins l'poste: l'météo elle prévoyot de l'neiche à Paris. Du coup ch'étot préparation à l'infer sibérien pour l'pays tout inti.

Je ne sais nin vousautes, mais mi cha me fait gintimint rigoler. Tcheue bante de nunuches. Et toutes les chaînes (i n'd'a bin chinquante à ch't'heure énon?) elles y vont de lu invoyé espécial déguisé in esquimau qui cache un indrot d'ùche qu'i a un tiot peu de blanc nin incore fondu et qui explique que ch'est de l'neiche, que ch'est frod, que cha gliche et tout et tout.

Ch'au matin au poste ch'étot l'grosse déception générale... cha n'a nin tenu. I a foque un tiot peu de bedoule mais is ont quind même trouvé moyen de trouver des malines qui se sont ingagées là-dedins avec lus tiots sorlets ouverts chu les côtés, et qui trouvtent que cha fait frod à ses pids.

Je ne voudros nin passer pour un viux ronchon, mais à m'mote qu'in est de puq in puq dins un monte de chochotes.
JULES30/01/2019 18:11
J'vas ajouter de l'iau à tin moulin, Batisse, ch'est un comportemint qui va in s'amplifiant...
Ch'est vrai que chés gins y brayot'tent dè qu'y avot un pouche ed neice, in criot qu'y fallot pas laicher chés gins s'intasser dins des pièges à c...ouillons, pi ach't'heure, y brait'tent pasqu'in les impêche ed'rouler.

Ch'est la loi des 50/50 sauf qu'in France , ch'est putôt 55/55...

Bon j'arrête là, j'min vas déneiger min carpion des fos que l'unique piéton de l'commune y viendrot (que vicieux, ch'ti là...) passer sur min trottoir
tiote belotte31/01/2019 00:01
Bonsoir mes gins,
Ben figurez vos que j'arviens de Paris d'ù qu'j'sus restée 5 jours chez min
garchon.
Hier au soir in veyot au poste qu'i dévot querre plusieurs cintimètres d'neiche, et cha dins l'heure qui suivot... in a ravisé par l'ferniete et ch'est vrai que queques flocons s'batottent in duel. Pis après cha a été l'grosse vagarre, cha tombot sec ! Mais non trop longtimps
In dévot arprinde l'tgv à midi et in a reçu un messache de l'sncf qui nos métot in garde contre un evintuel artard. In étot pas trop inquiet vu qu'in avot l'timps d'rintrer, in allot nin à l'ouvrage.
avint d'aller couquer in a fait in tiot tour d'chés chaînes et ch'est vrai que pour in peu in les acoutant in arot été faire des provisions pou lutter contre l'blocache total de l'ville !!!
Min garchon, qui comminche à avoir l'habitute d'chés annonces parigottes mediatesques m'a dit : té peux aller t'couquer tranquille maman, té verras demain au matin cha ara tout fondu (bon i n'a bin dit cha in Chti, i ne l'connot nin, paufe tiot). Bin vos savez quo ? I avot raison i restot pu que de l'berdoulle su les trottoirs, et les saleuses étottent passée su l'route. Aucun problème pour aller à l'gare.
Par conte l'train à dû reuler moins vite pace que in dehors d'paris et jusqu'en Saône et Loire y avot effectivemint eu pas mal d'neiche. Mais rin chez nosautes à Lyon.
Du cop in fini par n'pus croire à toute chés prévisions jusqu'au jour d'ù qu'cha s'ra vrai et qu'in s'fera avoir .... tout cha pou l'principe d'precaution Is rigol'tent bin chés canadiens quind is nos voient
Bonne nuit mes gins à l'coyette
tiote belotte31/01/2019 00:06
Min diu i à des fautes mais j'buque avec min téléphone et ch'est nin commote d'arriver à écrire l'chti avec ch'clavier qui fait de l'resistance à nous parlache !!!
batisse31/01/2019 07:07
Ah ouais, pour buquer chti, le clavier de téléphone ch'est coton. Is arotent pu y pinser chez sam sung.

In tous les cas je chus contint de vir qu'in est tertous d'accord chu cheule mascarate des nouvielles alarmistes à tout va.

Comme te dis tiote bellote, ch'est un tiot peu l'histoire de ch'ti qu'i criot toudis au leu alors que ch'étot nin vrai. Tchand qu'eune fos cha a été vrai in ne l'écoutot pus.

Bon, allez tiote, vu l'heure à laquelle te buques, te dos incore être in train de faire des bavious chu t'n'oreiller. Bonne journée. L'café i est fait.
tiote belotte31/01/2019 08:03
J'sus réveillée d'pis 1 h, l'jeudi j'vas marcher à 8 h 30 au matin avec eune copine... i fait frod j'ai mis min Damart et les longues maronnes especiales grind frod
batisse31/01/2019 09:15
Pour nin avoir frod, l'importint ch'est d'armuer.

Babelle comme que je te connos, t'lingue elle dot tenir toute t'tiête au caud à ti.

Vous marchez jusqu'à pâtisserie, ch'est cha?

tiote belotte31/01/2019 10:53
Batisse ! in est sérieusses, l'pâtisserie in y rintre nin in tenue d'rindoneusse, in voudrot nin salir avec l'berdoulle qu'in a su nos cauchures
les chucates ch'est l'après midi devint in tiot jus quin in est toutes propes
batisse31/01/2019 11:02
Ch'est l'même copine après midi? Ch'est eune babelle aussi ou alors ch'est eune (autre) sainte qui t'acoute sins rin dire in sachint que cha te fait plaiji?

Eune espèce de spychologue quo...

Ou eune sourde???
tiote belotte31/01/2019 11:07
Batisse cha y est t'as gagné tes deux première margnouffes d'l'année !!!
Té sais bin que des copines je n'd'ai plein, des demi sourdes (ben ouais in est pu toutes jonnes) des rude babelles, des silincieusses (si si cha existe).... pis j'voudros rin dire mais j'connos des garchons chti qui ont aussi eune lanque bin pendue, cha s'devine rin que par l'grindeur des textes qui mettent ichi....
Si té vos d'qui j'parle ??? (lol comme distent les jonnes)
batisse31/01/2019 12:53
Bon, j'aime mieux rin dire...
In tous les cas, vue l'heure qu'i est, je te rappelle qu'in ne parle nin l'bouque pleine.
Aie un tiot peu pitié de t'n'homme.
tiote belotte31/01/2019 14:46
T'inquiète nin pou m'n'homme, i est in train d'babeller à l'mairie avec chés copines et copains !
loumarcel05/02/2019 09:20
Bonjour Tertous, cha y est m'ar'vlà, J'ai eu des russes pou m'connecter j'ar'trouvos pu min mot d'passe. Nan, nan min ordi i étot pas in panne ni in pièch' détachées, nan i fonctionne bien comme dab.
Mi j'ai pas cor eu la chance d'vire l'neich', mais ch'est vrai qu'i y a de l'neich' qu'à Paris à les intinte et pis i y a cheusse qu'i veul'tent faire du ski et qui s'plaintent quand faut mète ches chaînes pou monter à l'es'station. Vous direz mes gins que ch'est français de s'plainte. A ch't'heure j'va raviser tout s'que voous avez d'jà écrit ailleurs.
Té sais Tiote, à forche d'marcher té vas avoir des gros mollets.
tiote belotte05/02/2019 14:33
J'marche juste assez pou garder mes mollets d'jonnes files... (infin d'presque jonne file)
batisse05/02/2019 15:46
Ah bon? Foque in marchint les guernoules elles arotent eune chince d'artrouver lu physique de jone file?
Ch'est nin cha qu'in appelle eune faiqueniouse?
JULES07/02/2019 21:33
POur êt' prévoyant, l'autre soi, comme y neigeot j'in avos mis in mitan d'séau au congél pou l'avoir incore au matin pour m'laver, (parait que ch'est bon pou la santé), Bin y a eu ine copure d"zctricité, et ch"m
JULES07/02/2019 21:35
ine coupure d'ectricité et à ch'matin y' avot fon que de l'iau !
batisse08/02/2019 09:37
Te m'expliqueras commint que te fais pour buquer chu réponte in bas du cassis au lieu de buquer chu un a.
Et ne viens nin dire que ch'est t'femme qui fait rin que de t'imbêter hein...
Tchand que te buques, mets t'tiote flèche (cheule de t'sourite) dins le quart in haut à droite de tin lécran, cha évitera qu'elle traîne alintour du bouton réponte.
In fait comme cha?
Et i se prind pour un ours blanc monhomme, à vouloir se débarbouiller avec des glachons.

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:balouffe
français:joue (pendante)
genre:n.f.
Accéder au glossaire