Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :noel
cartouche27/12/2012 08:15
j'vous l'ai d'jà mis ch'ti là mais comme ch'est d'saison j'l'armets

Noël

Cha y est vla déjà Noël qui arvient
partout in vot des biaux sapins
ches infants sont tout émerveillés
d'vire ches belles vitrines inluminées


Is écritent des listes d'juets
d'eune belle écriture bin déloyée
pour invoyer aprés à ch'père Noël
dins eune grande inveloppe bleu ciel

Cha qui sav'tent pas ches pouchins
ch'est que cha coûte à leux parints
qui voudrotent leur faire eune surprisse
mais cha devient rute in temps d'crisse

Is vont s'saigner aux quate veines
pour que leu tchiot n'est pon d'peine
is vont s'serrer d'un cran l'cheinture
y ara moins d'burre zous leu confiture

Mais que plaisi dins l'fond d'leux yux
in veyant l'sourire d'leu tchiot jésus
qui découve muché dins sin tchiot sorlet
l'biau joujou que ch'père Noël a apporté

Pus tard quand i sera devenu un homme
i s'rappellera sin bon temps in somme
quand i archevot in cadeau d'ses parints
in pus d’un juet d'l'amour plein sin couffin

René Bierlair dit Cartouche
jules28/12/2012 09:22
Tin poëme, j'lavos nin lu,
Et ma foi, cha sint l'vécu,
Et même si in ch'momint
Pu rin de rin n'arsanne à rin,

j'y cros incore, au père Noel
Alors que tout y s'fait la belle
In a core cha à s'rccrocher
Mais, vas.., faut s'dépêcher...

Avant que tout y seuche cangé,
Démoli, détruit, saccagé,
Avant que ch'père tout transfomé
N'euche pu pour nous autant d'bonté

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:lavette
français:morceau de tissu pour faire la vaisselle
genre:n.f.
Accéder au glossaire