Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :DINS MIN GARDIN
cartouche27/09/2012 10:05
DINS MIN GARDIN

L’matin quand ch’solel i s’lèfe pas d’zeur ch’terril
qu’ ses rayons récauf’tent et éclair’tent min courtil
mi tout in binant l’tierre dins mes routes d’porions
j’sus bénache, j’chiffèle toudis eune tchiote canchon

Eune rangaine joyeusse d’ Raoul ou bin d’Edmond
mi dins min gardin,j’pinse pus à ch’ carbon
ch’est un peu comme si j’avos canger d’métier
que du bon air, y a pas d’poufinque à respirer

J'vas ramasser des naviots et des jones carottes
un pied d’céléri des porions, eune tchiote botte
comme cha c’soir m’femme fera eune bonne soupe
avec un reste d’lard cha coutera pas eune doupe

Après j’irai nourrir mes glennes et mes lapins
à ch’pouli si y a eune paire d'oués cha sera bin
je m’dis qu’in a d’la chance d’juer au sincier
quand ches diminches in a pas à aller ouvrer

Mais cha passe vite d’main cha sera aute cosse
faudra arprinde s’musette artourner à l’fosse
mais i faut pas s’plainte et s’faire eune raison
ch’ti qui nous loge, nous nourrit ch’est l’carbon

Bierlair René dit Cartouche
myrianna29/09/2012 16:55
t'as connu min pére cartouche?? ché tout li dins tin poéme
Merci ché bieau
annesophie02/10/2012 08:58
Bravo ,ch'est bieau .Comme toudis
marie lyne10/09/2013 20:49
mais Ch'est comme tt cha que t'a écris, tout arflète l' biauté, in resse ch' coeur plein d'émotions merci Cartouche
Gommez28/08/2014 21:43
ch'est bieau mais mi j'ai oublié le cht'i! quarante ans que j'suis partie du Nord!
Piegan03/09/2014 11:14
In biau poème Bravo Cartouche

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:aheurer
français:être à l'heure
genre:v.
Accéder au glossaire