Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :ch'tchiot prince IX
cartouche27/07/2011 08:07
J’cros qu’y profita, pour s’n’évasion, d’eune migration d’osieaux sauvaches. Au matin de ch’départ y mit s’planète bin in orde. Y ramona soigneusemint ses volcans in activité. Et ch’étot bin commote pour faire cauffer ch’tchiot déjeuner du matin. Y possédot aussi un volcan éteint. Mais,comme y disot : « in sait mi jamais ! » Y ramona donc aussi ch’volcan éteint.
Si y sont bin ramonés, chés volvans brul’tent duchemint et régulièremint,sans éruptions. Chés éruptions volcaniques sont comme des fux ed’ quéminée.
Evidemmint sur not’tierre in est gramint trop tchiots pour ramoner nos volcans. Ch’est pourquo y nous caus’tent tant d’innuis
Ch’tchiot prince arracha aussi, avec un peu ed’mélincolie, ché dernières pousses ed’baobapes. Y croyot jamais pus devoir arvenir. Mais tous chés ouvraches familiers li parur’tent, ch’matin là, extrèmemint douches. Et, quand y arrosa eune dernière fos l’fleur, et s’prépara à l’mette à l’abri sous sin glope, y s’découvrit l’invie ed’braire.
- Adieu, dit-il à l’fleur.
Mais al’y répondit pas.
- Adieu, répéta-t-il
L’fleur al’toussa. Mais ch’étot pas à causse ed’sin rheume.
- J’ai été sotte, li dit-elle enfin. J’te deminde pardon. Tâche d’ête bénache.
Y fut surpris par l’absence d’arproches. Y restot là tout déconchintré, l’glope in l’air. Y comprenot pas ch’te doucheur calme.
- Mais ouais, j’t’ai querre, li dit l’fleur. Te n’a rin su, par m’faute. Cha n’a aucueine importance. Mais t’as été aussi sot qu’mi. Tache d’ête bénache…Laiche ch’glope tranquille. j’in veux pus.
- Mais ch’vint…
- j’sus pas si inrheumée qu’cha …l’air fraique de l’nuit m’fera du bin. J’sus eune fleur.
- Mais chés biêtes…
- Y faut bin que j’supporte deux ou tros cheniles si j’veux connaite chés papillons. Y paraît qu’ch’est tellemint bieau. Sinon qui ché qui m’rindra visite ? Te seras loin, ti. Quand à chés grosses biêtes, j’crains rien. J’ai mes griffes.
Al moutrot naïvemint ses quate z’épines. Pis al ajouta :
- N’traine pas comme cha, ch’est agaçant. T’as décidé ed’partir. va t’in.
Car al voulot pas qu’y l’viche braire. Ch’étot eune fleur tellemint orgueilleusse…

pistouille27/07/2011 17:24
Tu es toujours là pour écrire de très belles choses MERCI
lilichti12/10/2011 18:02
j'voudro bin tout ch'tio prince,mais comment faire?
marie lyne20/08/2013 18:30
ch'est sublime, biau tant d' sinsibilité! ch'est merveilleux , Merci Cartouche

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:régimint
français:régiment
genre:n.m.
Accéder au glossaire