Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :ch'tchiot prince IV
cartouche22/06/2011 13:24
J’avos ainsi appris eune seconde séco très importante : Ch’est que s’planète

d’origine étot à peine plus grante qu’eune mason !

cha n’pouvot pas m’étonner gramint. J’savos bin qu’in déhors ed’ches

grosses planètes comme el’ Tierre, Jupiter, Mars, Vénus, à chelles qu’in a donné

des noms, y n’d’a des chintaines d’autes qui sont quéqu’ fos si tchiotes qu’in a

gramint ed’mau à les vire au téléscope. Quand un astronome découfe l’eune d’elles, y li donne pour nom un numéro. Y l’appelle par exempe : « l’astéroïte 3251 »
J’ai ed’sérieusses raisons ed’croire que el’planète du qui venot ch’tchiot Prince ch’est l’astéroïte B 612. Ch’t’astèroïte n’a été aperchu qu’eune fos au Téléscope, in 1909, par un astronome turc.
Y avot fait alors eune grante démonstration de s’découverte à un congrès international d’astronomie. Mais personne n’l’avot cru à causse ed’sin costume.
Chés grindes personnes y sont comme cha
Heureusemint pour l’réputation de ch’l’astéroïte B 612 un dictateur turc imposa à sin peupe, sous peine ed’mort, ed’s’arnaquer à l’Européeunne.
ch’l’astronome arfit s’démonstration in 1920, dins un habit très élégant. Et ch’te fos chi tout l’monte fut de s’n’avis.
Si j’vous raconte chés détals sur ch’l’astéroïte B 612 et si j’vous ai confié ch’numéro, ch’t’à causse ed’chés grindes personnes. Chés grindes personnes ont querre chés chiffes. Quand vous leur parlez d’un nouvieau ami, alles n’vous questionn’tent jamais sur ch’l’essentiel. Alles n’vous distent jamais : « qu’al est l’son de s’vox ? Quels sont chés jux qui préfère ? Est-ce qui collectionne chés
papillons ? » alles vous demantent : « Que l’ache qui a ? Combin qu’y a ed’frères ?
Combin qui pèse ? Combin qui gane sin père ? » Alors seulemint alles crotent l’connaite. Si vous dites à chés grindes personnes : « j’ai vu eune belle mason in
briques rosses, avec des géraniums à chés ferniêtes et des coulons sur ch’tot… »
Alles parvienn’tent pas à s’imaginer ch’te mason. Y faut leur dire : « j’ai vu eune mason ed’cint mille francs. » Alors alles s’écrit’ent : « Comme ch’est joli !»
ainsi, si vous leur dites : « l’preufe que ch’tchiot prince a existé ch’est qu’y étot ravissant, qu’y riot, et qu’y voulot un mouton. Quand in veut un mouton ch’est l’preufe qu’in existe » Alles hausseront leux épaules et vous traiteront d’infant ! Mais si vous leur dites : « el’planète ed’du qui venot ch’est
l’astéroïte B 612 » alors alles seront convaincues, et alles vous laicheront tranquille avec leux questions. Alles sont comme cha. Y n’faut pas leur in vouloir. Chés infants dotent ête très indulgents invers chés grindes personnes.
Mais, bin sur, nous qui comprindons la vie, in s’moque bin ed’chés numéros ! J’aros eu querre commincher ch’t’histoire à l’façon ed chés contes
ed’fées. J’aros eu querre dire :
« y étot eune fos un tchiot prince qui habitot eune planète à peine plus grante qu’li, et qui avot besoin d’un ami… » pour ceux qui comprintent
la vie, cha aurot eu l’air gramint plus vrai.
Car j’ai pas querre qu’in lisse min liffe à la légère. J’éproufe tant ed’chagrin à raconter chés souvenirs. Y a six ans déjà que min ami s’in est allé
avec sin mouton. Si j’essaie ichi de l’décrire, ch’est afin de n’pas l’oublier.
Ch’est trisse d’oublier un ami. Tout l’monte n’a pas eu un ami. Et pis j’pourros devenir comme chés grindes personnes qui n’s’interess’tent plus qu’à chés
chiffes. Ch’est donc pour cha incore que j’ai acaté eune boite ed’couleurs et des crayons. Ch’est dur ed’s’armette au dessin, à m’n’ache, quand in a jamais fait d’aute tintatifes que chelle d’un boa framé et chelle d’un boa ouvert, à l’ache ed’six ans ! j’essaierai, bin sûr, ed’faire des portraits l’plus arsonnants possipe. Mais j’sus pas du tout certain ed’ réussir. Un dessin
va, et l’aute n’arsonne plus. Je m’trompe un peu aussi sur l’talle. Ichi ch’tchiot prince est trop grand. Là y est trop tchiot. J’hésite aussi sur l’couleur ed’sin costume. Alors j’tatonne comme chi comme cha, tant bin qu’mal. Je m’tromperos enfin sur certains détals plus importants.
Mais cha, y faudrot me l’pardonner. Min ami n’donnot jamais d’explications. Y m’croyot peut ête simblape à li. Mais mi,malheureusemint, je n’sais pas vire chés moutons à travers chés caisses.
J’sus peut ête un peu comme chés grindes personnes. J’ai du vieuzir.
ch'duc25/06/2011 10:09
du st ex in patois,ch'est bieau, et cha dot etre difficile à traduire, pour cha ej te dit bravo et félictation cartouche pour cha que t'est fait,merci!!

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:cafouniette
français:héro d'histoire drôles (équivalent de Toto)
Accéder au glossaire