| | Café littéraire | | | Sujet : | ch'tiot prince III |
| | | cartouche | 18/06/2011 07:30 |
| Y m’fallut longtimps pour comprinde ed’du qui v’not. Ch’tchiot Prince, qui m’posot gramint d’questions, n’sennot jamais intinde les miennes. Ch’est des mots prononchés au hazard qui peu à peu, m’ont tout révélé. Ainsi, quand y aperchut pour l’première fos m’n’avion
(j’dessinerai pas m’n’avion, ch’est un dessin gramint trop compliqué pour mi) y m’demanda :
- Quo qu’ch’est que l’séquo là ?
- Ch’est pas eune séquo. Cha vole. Ch’est un avion. Ch’est m’n’avion !
Et j’étos fier ed’ y apprinde que j’volos. Alors y s’écria :
- Commint ! t’es quéhu du ciel ?
- Ouais, fis je modestemint.
- Ah ! ch’est drôle !..
Et ch’tchiot prince eut un très joli eclat ed’rire qui m’irrita gramint.
J’désire qu’in prinche mes malheurs au sérieux. Pis y ajouta :
- Alors, ti aussi te viens du ciel ! ed’quelle planète equ’t’es ?
J’intrevis aussitôt eune lueur, dins l’mystère de s’présence, et j’interrogeos brusquemint :
- Te viens donc d’eune aute planète ?
Mais y n’répondit pas. Y hochot s’tiête duchemint tout in ravisant m’n’avion :
- Ch’est vrai que, la dessus, te n’peux pas venir ed’bin long !
Et y s’infonça dins eune rêverie qui dura longtimps. Pis, sortant min mouton de s’poque, y s’plongea dins l’contimplation ed’ sin trésor.
Vous imaginez combin j’avos pu ête intrigué par ch’te demi confidence sur « chés autes planètes ». J’efforchos donc d’in savoir pus long :
- Ed’du qu’te viens min tchiot bonhomme ? du qu’ch’est « chez ti ? »
- Du qu’ch’est que te veux importer min mouton ?
Y m’répondit après un silence meditatif :
- Ch’qui est bien, avec el’caisse que te m’as donnée , ch’est que, par nuit, cha li servira ed’mason !
- Bin sûr. Et si t’es gentil, j’te donnerai aussi eune corte pour l’attaquer dins l’journée et un piquet. El’proposition parut choquer ch’tchiot prince :
- L’attaquer ? que drôle d’idée !
- Mais si te l’attaques pas, y ira n’importe du, et y s’perdra !
Et min ami eut un nouvieau éclat ed’rire :
- Mais du qu’ch’est qu’te veux qu’y alle ?
- N’importe du. Drot devint li…
Alors ch’tchiot prince armarqua gravemint :
- Cha n’fait rin, ch’est tellemint tchiot, chez mi !
Et, avec un peu ed’mélancolie, peut ête, y ajouta :
- Drot devint li in n’peut pas aller bin long….
| | | annesophie | 22/06/2011 10:32 |
| | J'aime bin l'histoire aussi bin in français qu'in ch'ti j'diros minme, qu'min coeur i penche du coté de l'traduction cholaille | |
|
| 
| |
| | | |
| |
|
| Connaissez-vous
ce mot ? | | en ch'ti | : | tiot | | français | : | petit | | genre | : | n. et adj. |
| |
|
|
Accueil forums