Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :El batchet
jeangabelou5924/05/2010 10:37
El batchet

Ersannant à unne file, lourte et panchue,
Saquée pa unne carne, d’un aute âche v’nue.
In silince alle gliche duch’mint su l’ieau,
Imm’née pa sin maîte in chabots.

Alle s’laiche, courtiser pa ches saisons,
Aflater in août, pa ches cauds rayons,
Ingéler pa l’étreinte glachée ed jinvier,
Griser pa ches sintimints printaniers.

Parfos In l’ treuve auchi ingourdie,
Es désaquant d’ech brouillar d’el nuit,
Chti qui fait d’ches halaus des fintômes,
Et rind pénipe, l’ouvrache ed l’homme..

Alle acoute sins rin dire, rire et brère,
Ses maîtes, avinchant duch’mint su l’rivière,
Au rythme ed ches éclusses qui l’freinent,
Aveuc patieinche, attindant el brunne.

Ches jours, ed grind débous’mint,
Un harmonica parfos, au cuèr d’el nuit,
Jue ses notes, auchi douches et claires,
Qu’ches yux bleus d’chelle bièle bat’lières.

Batchet- péniche (R x Tg)
Ersannant- ressemblant
Aflater- caresser
halaus- saules
brunne- crépuscule
cuèr- coeur

JMK
cartouche25/05/2010 18:09
des biaux textes si bin écrits comme cha in n'ardeminde

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:joquer
français:attendre, chômer
genre:v.
Accéder au glossaire