Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :Min Terril (poème de : Renée BLOQUET alias "Fleuriane")
annesophie09/11/2009 11:05
Min Terril


1
Si té savos comme in t’a caire !
In m’a dit qu’té prénos trop d’plache ?
Ichi , tous ches gins quéminchent à braire !
Ins n’veux pas qu’in t’déménache ?

2
D’pus si longtemps té not ’décor
Té tout noir , mais si bieau
Ins n’veut pas vir’ t’mort
D’vant ti in inlèv’rot sin capiau !

3
T’a r’présente l’travail des ouvriers
Si té veux pas t’faire « imbarqué »
Essaie de n’ pas trop t’détériorer ,
In n’ faigeant pas trop d’funquée

4
L’hiver quand i neiche té tout blanqui
C’hest si bieau , in y férot du ski
Is n’a qui n’veutent pus d’ti
Is n’ont pas caire not’ terri .


5
Heureus’mint qu’y a des braves gins
In va t’définte , té rest’ras ichi
I faudrot planter ine paire d’sapins
Et té finirot au pays du ch’timi !

6
Les gins de l’ville viendrotent sur’mint t’vir
Té s’rot comme un indrot d’ pélerinnache
Pour nous té s’ras toudis notre éternel souvenir
Et pour mi , min lien et point d’attache !

7
Si té savos pendant ches gréves
J’allos t’dégatouiller , toudis in cachette
M’mère a l’braillot : in avot pus d’carbon
Mi j’arrivos à récupérer pleinne m’musette
J’étos continte dé l’moutrer à l’maison
C’hes pour cha j’veux pas qu’in t’inlèfe !

8
Chés « Monsieurs » voudrotent faire une usine
Is ditent que té qu’ine ruine !
Té fait partie d’not ’ vie
In essaiera d’travailler à t’survie.
ch'duc09/11/2009 11:52
très beau poeme,sauvegardons nos terrils témoins ed nous parints
annesophie09/11/2009 12:56
ouai mineurs du Nord Pas de Calais obin du Chude et pis j'pinse d'tout partout in rest aveuc nos tripes attachées à nos Mines, terrils, fosses, traditions ...
lena09/11/2009 16:53
ché vrai que ché terrils i font partis dech patrimoine et j' trouve dommage qu'in n' a démolli tant ;
quand j' étos tiote min professeur d' histoire i diso que dins l' nord ché zhommes i zétotent courageux pasqui z' avotent fait leus montagnes al forche des bras;
quand mes tiots i zétotent p'tits et qu'in arrivo près ed Bruay i disotent : cha i est manman in arrive in vo les montagnes à mamie
maceju10/11/2009 17:22
bravo annesophie , cha m'fais pinser am canchon ed' simon colliez
" ech terril ed rimbert "
et nous lena quand in arvenot , apres vimy in veyot ech' terrol du , 7 d'avion , ach'teur yé pu la , cha fait un vide incroipe , par conte ech'ti ed ' mericourt yé toudis la et pour longtemps ; yé classé monument historique
annesophie11/11/2009 08:47
Té sais Maceju ej l'ai trouvé criant d'vérité c'poème In 1988 ej cros à Denain i fallot signer eune pétition pou sauver not' terril ch'est quétiosse qu'ej n'oublirais jamais pourtant ej n'avos foque 15 ans fallot vire ches gins qui s'démeno'tent bin sur m'Mémé al i étot aussi Ch'etot dins l'rue d'Villard su l'parking du grand magasin Carref...
lena11/11/2009 10:02
bonjour tertous j' sus bien continte ed savoir qu' astheure in les rabilite nos terrils pasque cha fait partie d' not patrimoine et el pays minier sans terril cha n'arsenne à rien
cartouche11/11/2009 13:43
ch'est un poème comme j'les ai querre, merci anso
maceju11/11/2009 15:37
té sais léna a liévin ya 2 chevalets ed' rhéabilités , ya ech' terril ed' méricourt , et ya in association , dont j'fais partie , qui s'bat pour conserver ech' patrimoine
lena11/11/2009 17:09
j' sus continte ed savoir que té fait partie d'un'n telle association; j' ai vu un'n émission i a déjà un momint qui parlotte ed ché terrils du côté ed Lens i n' a un du qu' ché apes i zarpoussent i n'a un ché pus du mais in pouvo si prom'ner et bien sûr i a chti ed Noeux ( loisinord) dû qu'in peut faire du ski là i zont bien inringé cha pasque ia une belle prom'nade à faire autour dé ch lac (j'y sus déjà aller plusieurs fos )
lilichti23/11/2009 17:54
MACEJUet celui ed sallaumines à courtigui tout prés dech tacot?j'sus née din eune tiote maison d'vin;
lilichti24/11/2009 21:22
bonsoir maceju cha va t'i ?pon trop défoutu?ch'est dur,té sais,pinse bin à nos terrils!

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:cusir
français:choisir
genre:v.
Accéder au glossaire