Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Légendes et contes
Sujet :el sorcière amoureuss
lena04/02/2011 19:27
Ch' étot un'n vièle , très vièle sorcière. Al restot dins un'n tiote maison au fond d' ches bos, à côté del source des 3 rochers .
Un jour , un jeune homme passa devant ess fenête . I iétot bieau. Plus bieau que ches princes ed contes ed fées .Et bien plus bieau que ches cow-boys ed ches publicités del télévision.
El vièle sorcière au tout début al fut tout émue,pis troublée et enfin amoureusse.Pus amoureusse qu' al n' avot jamais été.
Naturell'mint,al n'in ferma pas s' n'oel del nuit.Al feuill'ta toutes sortes ed grimoires rimplis ed formules magiques , al courut ches bos cachant des zingrédients mystérieux , al coupa , hacha , mixa,mélangea ,pesa ,rajouta ,armua goûta ...Et au tiot matin , al mit in boutelles un plein caudron d' élixir pour rajeunir.
Au début d' l' après-midi ,al avala un'n boutelle d' élixir .Comme ch' étot amer , al fit comme cha :un verre d' élixir , un carré ed chocolat , un verre d' élixir , un bonbon à l' fraisse. Et pis ainsi ed suite . Après el dernier verre , al étot dev'nue jeune et belle . Si belle qu' al aurot pus faire du cinéma. Ou dev'nir institutrice.
Avec 2 toiles d' araignées , un tiot peu ed poute ed crapaud et un'n formule magique découpée dins l'journal ed mode ed ches sorcières, al s' fabriqua un'n merveilleusse rope décoll'tée garnie ed dentelles.Dins sin gardin al cueillit un'n rosse blanque el trimpa dins zin philtre d' amour et l' épingla à sin corsache.
Insuite , al s' assit su sin banc devant ess porte et al attindit .Al attindit pas longtemps . Su el quemin , apparut el bieau jeune homme , vétu dins riche costume brodé d'or , un'n fleur blanque àss boutonnière.
El jeune homme salua el sorcière ,el conversation commincha et comme el sorcère al étot pressée , au bout d' un quart d' heure , el jeune homme i étot fou amoureux. 5 minutes après , i s' inbrassotent pour el 1ère fos .
Pis tout à coup el sorcière ess lève brusquemint et vite i dit :
_"A d'main min bel amour!"
Et al s'inferme à double tour dins ess tiote maison.
I étot temps ! Quelques s'condes pus tard , el belle jeune fille étot ardevenue un'n vielle , très vielle sorcière: l' élixir iavot arrété ed faire effet.
Et cha été comme cha tous les jours.Un'n boutelle d' élixir pour rajeunir , des mots d' amour murmurés , des tiotes baisses à bouquette écangés , pis vite très vite des zadieux pressés.
El bieau jeune homme ne s' plaignot jamais .I disot in souriant :"Adieu em belle!" et i s' arnallot sans s' artourner.
Après pusieurs seminnes , par un bieau après-midi d' été , el sorcière dit à sin bieau jeune homme qu' al voulot l' épouser .El jeune homme baissa ses zyeux in rougissant et i fixèrent el mariache au lend'main matin.
El lend'main donc , el vielle sorcière avala 3 grandes boutelles d' élixir pour rajeunir. Cha li donna d' atroces maux d' estomac mais i fallot bien i passer par là.
Les 2 zamoureux s' marièrent dins ech villache voisin.Pis i artournèrent vite fait dins el tiote maison del sorcière au fond ed ches bos.
Dès qui furent rintrés , el sorcière al ferma el porte à doube tour : dins el cuisine , al prépara un' tisane pour sin jeune èpoux , pis al alla querre dins ess salle à minger les gâtieaux aux pattes ed mouques qu' al avot fait elle minme.
Mais l' élixir i avot arrété d' agir.Quand al est arvénue à l' cuisine , al étot ardev'nue un'n vielle , un'n très vielle sorcière , au nez crochu , aux dints pourries et à l' pieau pus ridée que du papier froissé.
Lorsqu' i el vit comme cha , sin jeune mari el fixa un long momint sans rien dire . Pis soudain , i éclata ed rire:
"-Vielle sorcière , ett n' élixir pour rajeunir é 'n vaut pas grand cosse ! Mais rassure te , el mien n' est pas meilleu ."
Et , s'coué dins grand fou rire , el bieau jeune homme s' transforma peu à peu in vieux , très vieux sorcier , au nez crochu , aux dints pourries et à l' pieau pus ridée que du papier froissé .


Et i vécurent heureux et i n' eurent pas beaucoup ed tiots.
cartouche05/02/2011 10:46
bravo Léna, ch'est eune belle histoire
josy05/02/2011 14:10
bravo léna,ché eun belle histoire,comme quoi qu'in a nin b'soin d'ête bieau et riche pour ête heureux...et'n'histoire em'fait pinser à eun canchon ed Claude François

Sale bonhomme interprétée par Claude François :



Sale bonhomme était le pire des hommes qu'on ait jamais vu
Il jurait, crachait et faisait de l'oeil aux inconnues
Il rongeait ses ongles et mangeait sa soupe dans une passoire
On m'a même dit qu'il n'avait jamais mis les pieds dans une baignoire

(Refrain)
Oui sale bonhomme, oh ! Quelle sale personne !
Un monstre en somme, ce sale bonhomme

Il détraquait tout, les machines à sous et le téléphone
Dans les spaghettis il mettait du whisky et du chewing-gum
Son père et sa mère trouvaient dans leurs verres du vin et du sel
Et dans leurs chaussures de la confiture quand ce n'était pas du miel

(au Refrain)

(Parlé:)
Maintenant, écoutez-moi bien, il faut que je vous raconte la fin de l'histoire
Car elle montre de façon éclatante que quand on est un sale bonhomme
On ne récolte que ce qu'on mérite. Et...

Un été il a rencontré une sale bonne femme
Qui lui dit : "Nous deux on est si affreux que j'ai un programme
Epouse-moi, donne-moi un enfant." Et depuis ce jour-là
Au grand étonnement de tous les gens
Il vit tranquille dans une sale bicoque
Avec un sale gamin et une sale bonne femme
Et son sale petit bonheur
lena05/02/2011 16:02
bonjour vous zautes 2 , j' sus continte qu' al vous za plu em tiote histoire j' n' ai pleins d' autes quand j' aurais el temps j' vous in méttrer un'n ed timps zin temps
josy05/02/2011 16:06
comme in dit pour chés spectacles BIS BIS!!!!!
myrianna06/02/2011 09:58
mi j'attinds aussi
einne autt einne autt
annesophie07/02/2011 07:12
Bravo Léna ch'est bin bieau! Té m'as égayé m'journée ,j'va lire cha à mes tiots

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:percher
français:percer
genre:v.
Accéder au glossaire