Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Légendes et contes
Sujet :les berlouffes
camanette10/09/2006 09:09
ché l'fiete d'Wattrelos.....à la fin de l'journée in jechte in haut de ch'cloquer des berlouffes
in souv'nir de l'bataille de religion d'1566 inter ché gueux flamands pi ché espagnols catholiques
ché espagnols y z'ont assiégé ché gueux qui se sont réfugiés dins ch' l'église, y z'y ont mis l'fu et pour pon bruler vifs, ché gueux y z'ont sauté pa d'sus bord

ché l'version qu'j'ai....y nn'a p'téte d'autres
batisse26/01/2008 09:45
Ouais, pis ches flaminds i étottent tertous de l'même famile, cheule famile nij. Cha se prononce "neille" in flamind. Ch'est vrai.

Aors au début in a célébré ch'l'événemint in jetint des vieux habits par ch'cloquer, pour rappeler ch'saut des gueux nij, vu que cha faijot un ju de mots, laid mais ju quind même.

Mais comme i a grammint de monte qui avot du aller ouvrer dins ches camps au lieu d'aller à l'école, i a grammint de monte qui ne savot nin quo que ch'étot que des guenilles. Alors i demindottent. Et cha devenot pénipe pour ches savints. Mais un jour i a une des savints de wattrelos qui a eu eune illumination - cha devot être ch'maire, vu que cheule mairie, incore aujord'hu elle est illuminée - et qui a dit que des gueunilles ch'est des berlouffes. Cha les ginses i savottent quo que ch'étot, et depuis ch'est devenu cheule fiête des berlouffes.

Ch'est l'version qu'j'ai...y nn'a p'téte d'autres, comme elle dirot eune guernoule célèpe.
LYLY26/01/2008 14:01
Ej cros que ch'est parce que j'ai du sang espagnol in mi que j'm'in rappelle de t'affaire là !
mérilou26/01/2008 14:34
J'te croyos moins vièl Lyly...''elle arrivait de l'hispanie, Lili...'' in devrot in faire eune nouviele canchon.
batisse26/01/2008 15:06
Elle avot tché au bas de sin lit lili,
Elle arrivot de l'hispanie, lili,
Dins eune carrette pleine d'émigrés,
Qui v'nottent tertous de leur plein gré
Vuder ches flaminds du pays

Qui qui s'attaque à cheule suite?
mérilou26/01/2008 21:44
Elle s'est arrété à Malo Lyly
Dins l'port d'Dunkerque elle travaillot Lyly
Y'avot sus s'tiête tout plein d'mouettes
Qui l'y faijottent tout plein d'risettes
Faut dire qu'Lyly les nourrissot

Pour Jeanjean elle a eu l'beguin Lyly
Elle a unit sin tchoeur au sien Lyly
Au char à voile y s'en allot
Lyly tout seu elle in brayot
Sur Chti.org elle s'consolo...

Qui qui s'attaque à cheule suite?
ANDRE27/01/2008 00:32
In n'est mi capap' !
LYLY27/01/2008 07:12
Merci à Batisse et Mérilou ; vous êtes doués vous z'autes deux !! surtout Mérilou (hein Batisse).
batisse27/01/2008 09:46
Elle va des fos jusqu'in gelbique lili
Ce grind pays démographique lili
Elle arot nin cru sin le vir
Qu'là-bas i buvottent autint de bire
Incore puq que dins ch'pays noir.
Des fos elle va à bagatelle lili
Pour printe l'avion, s'assir sur l'aile, lili
De là-haut elle cache après marcel
Qui a des gros musques qui l'émervellent
Sin marcel du pic à lili.

Qui qu'i s'attaque à cheule suite?

André, te ne vas quind même nin faire ch'bourain et arfuser ch'l'ostaque?

mérilou27/01/2008 14:44
Elle voyageot in classe affaire Lyly
Dins un ptit coucou findint l'air Lyly
Y'avot eune berlouffe acrochée
''Bagatelle allez visiter!''
su l'plage tertous y levot sin nez

Tchin qu'elle s'posot sur l'fin de l'piste Lyly
Elle avot l'allure d'eune artisse Lyly
Bien loin de s'carette d'emmigrés
Qui venottent tertous de leur plein gré
Vuder ces flaminds du pays

Elle a ptête pas eu son certif Lyly
Mais elle sait faire du boulibif Lyly


....là j'sus in panne d'inspiration
qui qui s'attaque à cheule suite?
mérilou27/01/2008 14:53
elle a ptête pos eu son certif Lyly
mais elle sait faire du boulibif Lyly
A même ouvert in restaurint
D'u qu'y vénot tout plein d'flaminds
Minger l'frites au picalily
mérilou27/01/2008 14:57
Elle cuisinot aussi l'gigampe lyly
Y parait qu'ch'est bon pour les gampes Lyly
Ch'étot des recettes de l'hispanie
Car elle venot de cheul pays
dù qu'in danse en tapant des pis
batisse27/01/2008 15:30
Cheule canchon est grammint plus lonque que l'originale à ch''t'heure. I est timps qu'in s'arrête, à moins qu'andré, dins un effort surhumain, in sortint de sin lit après ch'sieste, i se décidot infin d'in armettre eune couche.

Cha serot nin avint 23h00.... In joque
mérilou27/01/2008 17:06
Pauv André...laiche le s'arposer ch t' homme!

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:commint
français:comment
genre:adv.
Accéder au glossaire