Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Les mineurs et la mine
Sujet :pour Otite de Montbazens
ch\linsos04/12/2009 11:16
Y avot inne mine a Monpestel ,hameau de la commune de Montbazens dins l'départemint eu d'l'Aveyron,chétot pon du carbon ,chétot de l'baryte,chétot l'principal entreprise de la ville in devot éte 25 ouvriers a déchintent tous les jours a 5 heures.
Y avot pon eu d'gailloille pour aller au fond cha déchindot in pente dins inne galerie éclairé ,au milieu y avot des rails pour armonter eu fruit du labeur .

Arrivé au bout eu d'ché rails ,chétot pa
ch\\linsos04/12/2009 11:49
par des équelles quind continuot ,l'seul éclairche là chétot note lampe sur note barette,y avot pon eu d'boisage,ej artot dins galerie,j'installos min perforateur,burin d'un méte vingt,et je fesot mes tros in suivant l'filon,suivant s'largeur j'avots plus ou moins eu d'tros a faire,pi ej prenos chés détonateurs et j'intiquos dins chaque tros tros cartouche eu d' dynamite,j'arliot tout ch'fil a buquer,et j'alos arcommincher dins inne aute galerie ,in devos faire deux tirs par jour par mineur.
In étot tros mineurs Jean Pierre Bras abdellha Sabani et pi mi,

avant d'armonter ,l'chef Dupuis y faisot armonter tout le monde sauf chés tros mineurs ,in s'artrouvos insimble ,pi avec eu l'dynamo in faisot péter nos tirs un par un,ch'est dins inne possière et inne odeur eud poudre quind armontot,toudis par les équelles in artrouvos les copains qui nous attindotent in bas deu l'galerie principal,in grimpot tertous sur chés wagonnets et ch'treuil les tirot ,ch'étot moins fatiguant ue d'armonter eu longue galerie pintu a pied.

Les autes ouvriers chés a l'pelle qui rammassotent eu l'baryte pour l'j'ejcher dins inne trémis,y z'avot aussi un pioche,inne masse et inne brouette .

Dins l'galerie du fond y avot Luc et Scalera avec inne machine et deux wagonnets ,y vidotent chés trémis y portotent eu l'baryte au remontage,y rimplissotent des cufas (genre eu d'grindes bassines) qui étotent armonté in bas de l'galerie principale,là inne mettot l'barytes dins chés wagonnés pour éte armonté au jour par un treuil,chétot Bex qui étot toudis in haut y vidot chés wagonnets dins inne trémis du qu'in camion y venot s'quarquer pour immené a l'usine eu d peinture.

Non seulemint y avot pon ed douche ,mais y avot pon du tout d'iau ,a part ch'elle pompé au fond,car dins certaine galerie y pleuvot.

L'mine a l a fermé in 1982 ,mais Otite y avot attrapé un caillot sur s'tiète,alors qui étot sur inne équelle,y avot 42 ans et sept gosses a nourrir.

Si vous passé a Montbazens,allé vire eul mine,Jean Pierre Bras y habite a Montpestel incore aujourd'hui vous pourrez même dormir et minger,y a ouvert un gite dins c'ferme.

Otite ch'étot un brafe type,au début que j'ai comminché l'boulot ed mineur,yétot v'nu m'vire dins m'galerie pour m'deminder si cha allot,pi y m'a dit eu d m'assoire inne minute,y avot inne oranche,in la mingé a deux,ch'est rin inne oranche mais au fond ,chétot inne oranche d'amour.

maceju04/12/2009 14:58
salut daniel , ché quoi el baryte ? et cha servot a quoi , té parles ed' peinture , ché cha ?
ch\linsos04/12/2009 16:05
bonjour Maurice ,contint de t'vire

la baryte ch'est un pierre blanche ,rosée a trés forte densité,qui est utilisé dans les peintures c'est ce qui donne la texture épaississante de la peinture,te dois t'souvenir aussi que dins l'timps quand in t'faisot in radio eu d'l'estomac avant in t'faisot boire (du platre) nan ch'étot de baryte ch'est anti radio actif
mintnint cha coute moins quère au Maroc et la bas y n'a gramint
cartouche05/12/2009 09:06
t'étos baryton alors ?
maceju23/12/2009 17:22
t'aras in amente daniel ché interdit d'monter din chés barous
chés galeries on pente nous in appellot cha in desquindrie
ch\linsos09/12/2010 22:08
ej viens d'apprinte qu'min comarate Jean pierre B. y est partie y avos pon l'silicose cha pourrot pététe s"appeller l'barytose,l'poussière et carbon ou bin l'poussière d aute cosse dins chés poumons ,ch'est pon bon bien Jean Pierre y aura pon beaucoup profiter de s'retraite ,y 'étot plus jones que mi
myrianna10/12/2010 16:38
eh bin ché bien malheureux ed pas pouvoir profiter d'ess retraite pfff
maceju10/12/2010 16:51
té sais daniel , mi tout in ayant été mineur , ché pas d'el silicosse , ché el sidérose , , pour résumer ché el silicosse du soudeur , j'ai d'mandé a min pneumoloque ed' s'esplications , au début , quand grace a li j'ai été arconnu in maladie professionelle , et y ma résumé cha in m'dijant ,
qu'chétot des micros particules ed' metal , contenues din chés fumées ed' soudure , comme chés particules ed' silice , qui restent accrochées a ches bronchioles , et impossipe ed' les crachées , a l'inverse du carbon , qui s'crache
au debut , in 1991 j'ai été arconnu , du premier coup a 40% , in 2002
a 70% et d'pu 2008 , a 95% , té vos j'ai cor 5% d'valape
j'sais pas si ta connu , au 11 ," barbet ," yé mort a 20 ans a 100%
si mes souvenirs sont exacts y restot din ch'quemin manot , a gauche in allant d'su ch'carrefour plume coq , avant d'arriver a mon " kombroza "
cartouche12/12/2010 08:23
silicosse ou sidérosse ch'est toudis de l'saloperie qu'in attrape in travaillant !
ch\linsos17/12/2010 08:53
nan Maurice ej cros pon l'avoir connu j'ai connu des Barbet dins l'rue Alembert au 9 ed là y z'ont arpris un café dins l'rue Paul Bert ,toudis au 9 café Angelo pi ch't'homme y est mort et l'femme a la arpris l'fer forgé dins l'route ed Lille a Lens ch'est pon si ch'est famile
maceju21/12/2010 15:33
j'in sais rin daniel , mais au moins , j'sais qu'ta connu ech' fer forgé a lens , j'y ai été in fos ou deux , mais cha ma pas plut , chetot plutot un boui boui , et même plutot mal famé ,
ch\linsos21/12/2010 17:56
mi aussi j'ai été inne ou deux fos j'habite derrière l'place du Cantin
supac19/06/2011 07:08
Je m’appelle Luc et j’étais mineur à Privezac où Outite est mort
j’étais même "porion" comme vous dite dans ch'nord. j'en fait toujours des cauchemars depuis 1982.
C'est moi qui l'ai envoyé à la place où le bloc l' a pris.
Pour ce qui est de parler chti ce n'est pas ma langue mais podi parla e escriure en occitan
ch\linsos20/06/2011 22:25
Luc Capus de Bournazel,quézaco l'occitant pour mi macache,je suis surpris de te voir sur un site chti ,j'espère que tu te souviens de moi,si tu veux que je te traduise le texte que j'ai écris en chti je peux te le faire ,mais pas en occitant,en français,cela sera avec grand plaisir et les chtimi parle beaucoup des mines ,je suis moi même des corons,et je voulais montrer que des mines ils y en avaient d'autres en France ou le travaille était pénible et trés dangereux,dans le texte je parle de toi,aujourd'hui je suis revenu dans l'aveyron aprés 17 ans d'absence je suis a Aubin,passe boire einne gout ed jus (une tasse de café)

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:épautrer
français:écraser, aplatir
genre:v.
Accéder au glossaire