Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Les mineurs et la mine
Sujet :Me r'vla.
yéyé3124/04/2020 23:32
Bonjour ,

J'ai m'n'oeule freque!
Cha fé bin eine quinzaine d'années que j'sus pas v'nu su ch'site!
Te sarros m'dire pourquoi tant ed'temps? Ché la vie...
En tout cas, c'qui m'a fait cacher sur google l'adresse de ch'site, che un tiot cadre avec eine ed mes histoires ch'ti qu'javos ecrit et que j'ai artrouvé au fond d'un tiroir a mon mes parints Diminche dernier.
Em'mère , elle l'avot incadré...j'y parlo d'min Père... "A min père" el sujet...ech su contint d'l'avoir aussi artrouver dins l'forum...
Alors, v'la...Min père s'in est allé l'semaine dernière.
Sûr qu'y est artourné finir s'n'ouvrache din l'tale.
Je t'aime Papa.

A min Père (Mai 2005)
Bonsoir Tertous,

Avant tout, j'me presinte un ch'tiot peu...el mieux ché core ed dire duque chez qu'in vient...plutot ed qui qu'in vient...un fils ed mineur.
Min père y a aussi saqué din'l tale al fosse 3 ed Mericourt pis aussi al fosse 6 ed Fouquieres.il y a travaillé jusqu'en 1970 pendant 10 ans. Y etot ach momin là al fosse ed fouquieres et pis y a quitté jusse qu'en y a eu l'catastrophe. Y a d'ses camarades a li qui sont restés au fond...j'min rappelle...min père che comme un rescapé, j'larvo core sul page ed Nord Matin qui rind un dernier hommach à ses camarades. Che ein photo qui conserve dins eine boite in fer, ringée au fond de s n'armoire. Cha fé longtemps qui la pas arsortit.
Y'eto au traçache..Ch'eto un "Maka" qui dit toudis...M'neule ouais!! Nan, jdis ça mé j'le pinse pas.
J'avo qu'cinq ans mé j'min rappelle commin qu'y eto mate... el midi quand y rintro, y s'metto a tab pis y s'indormo ...Es'tiete sur ses bras...em 'mere, elle y metto alors sur s'tiete un essui mains...Dins ses reves, y devo core etes a s'n ouvrache din'l boyette.

Ech su fier ed li, pi d'em mère.Ch' sé duque j'viens, s'que j'y dote à tertous, mi j'l'ingénieur del famile...
Que revanche!
J'li es jamais dis tout cha... dins note pays, ché vrai qu'in n'est pas granmin demonstratif...mé té vo, ti qui m'li, ech'u contint ed'l'ecrire...ché pour li.

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:voyette
français:ruelle, sentier
genre:n.f.
Accéder au glossaire