Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :Eune bonne année à tertous
batisse07/01/2019 11:48
Je rintre ichi dedins comme dins eune cathédrale. Vide avec un silince qui fait presque peur... Tcheue misère.

Infin bon, si jamais i a incore quelqu'un qui pousse l'porte, je li souhaite eune bonne année. I peut laichi un tiot mot chu eune cayelle. I a bin quelqu'un qui le trouvera un jour et, qui sait, qui va y réponte.

Merci à Eddy de continuer à payer pour que sin bieau bébé i reste visitape.

Cha m'étonnerot qu'in s'a tout dit mais bon, ch'est comme cha, comme si qu'i n'avot pus de chtis qui prentent plaiji à discuter avec d'autres au bistrot, in toute amitosité, même si qu'i ne sont nin du même coin et du même avis.
therese10/01/2019 14:24
Bonne année Batisse
Une maison vide cha n'est jamais agréable surtout après l'avoir connu aussi vivante.
Un grand merci à cheux qui ont oeuvré pour
loumarcel13/01/2019 16:46
Ch'est vrai qu'cha fait bizarre , ch'est tout silencieux alors que j'intind cor ches rires des zaut' suite à eun' histoire drôle, In diront qu'ils ont minime imbarqué l'caf'tière.
JULES30/01/2019 12:52
Ch'est in estremiss, (ch'est comme cha qu'on dit ?) pour vous rintiquer vos vœux, incore demain pi cha sera pour l'année prochaine.
Mi j'étos passé ine paire d'fos comme cha, in douce, sans faire d'boucan de peur ed'print ine claque sur min musiau, mais personne, de l'poussière qui s'intasse dins chés coins, des toiles d'araignées dins chés coins d'farniètes, l'cafetière alle est cor la, Lou Marcel, mais alle est musie, y l'ont pas rinchée après l'dernière fos.... et cha date !

J'ai cru comprinte qu'y avot un babache qui avot invie d'armett' cha, mais faudra li donner un cop d'main, pasque ch'est un chinquante neuf.... pas tout neuf, ch'pauv'garchon, , y déjà d'l'usache, mais y'a dins s'parinté des garnoules si attachantes qu'in est très compréhinsifs.... hein, min n'veu ...(et je n'fais même pon allusion à ses rapports aveuc l'informatique)

Alors au plaisi de vous ar'lire....

A tout ch'ti ( ou elle bien sûr) qui rinte ichi, "bienvenue, à condition qu'in fasse pas de politique, pas de racisme, pas d'religion sauf bien sùr quand qui s'agit d'ine bonne rigolade sans sous intindu et sans idée de propagande. Et prépare te aux réactions d'ine équipe majoritairemint exilée mais franchement ch'ti dins l'âme. J'in profite pour faire un clin d'oeul à cheux qui sont resté stoiquemint attachés à nou terre surveillant not' patrimoine in péril... (Ichi on jue l'petit quinquin à l'plache de la marseillaise et in s'met au garde à vous)

incore un tiot mot pour Eddy qui pourrot se manifester que cha nous ferot bien plaisi
batisse30/01/2019 16:55
Vinguette, ch'étot raduc pour tes voeux julot.
Ti que t'es fort in infeurmatique, in tous cas puq que ch'marcel qu'i est plutôt martieau piqueux avec sin casque qui tronne, je chus sur qu'in cachint bin te peux trouver un agenda dins les programmes. Là te mets les dates et séquos importintes qui sont évintuellemint à répéter tous les ins.

L'anniversaire de t'sainte femme ch'est un bon eximple. Ti t'as de l'chince, t'as tché chu eune bonne, mais ch'est souvint des cops à printe des margnouffes et se faire servir de l'salate de tchul tourné tchind qu'in oublie un lanniversaire parel. Parel avec ch'ti du mariache, incore que pour cht'i-là i faut souvint cachi dins ch'livret de famile. Te sais d'ùche qu'i est?

Bref, eune fos que t'a trouvé l'aginda éleuctronique de tin manicraque, t'écris vers début jinvier qu'i faut pinser aux gins de chti.org. Te verras comme is seront bénaiches.

Pour Pâques ch'est plus copliqué parce que l'date elle chinge toudis. Mais je chus sur que te peux mener eune inquête au début de chaque année et écrire autour du bon diminche ou samedi ou vindredi, comme te veux, qu'i faut pinser à souhaiter des bonnes pâques à les gins de chti.org.

Te comprinds? Te veux un autre eximple de quo qu'i ne faut nin oblier?

Bon, allez, te vas bétot te réveiller de t'sieste et j'espère que te seras banaiche d'avoir comme qui dirot du courrier à tin rével.

Voyou.
tiote belotte31/01/2019 11:02
Ouais min gins y est cor timps pou venir souhaiter eune bonne et heureusse année à tout ceusses qui passerottent par ichi
Asteur à force d'tout faire in avinche in comminche a archevoir des voeux l'26 décembre quind in a à peine digéré l'bûche et l'fo gras ! bin mi j'fais de l'résistance et comme in a jusqu'au 31 pour souhaiter "bon an" ben ch'est l'derni jour que j'vos l'dit ! valà, ch'est fait
A bintôt tertous
batisse31/01/2019 12:50
Mais ch'est qu'elle tournerot sin groin et ferot des maches ys mémère.

Te rues aussi?

Je t'imagine bin comme Shirley (de Shirley et Dino, nin cheule à 4 pattes qui laichot des touffes de poils tout partout) dins je ne sais pus quel pestaque: elle faijot l'cavalière chu un gva (ouais bon, cha existe) et comme s'n'homme qui étot déguisé in autruche ou eune séquo ainsi i li faijot des misères, elle ruot. Ch'est dur de ruer tchand qu'in marche chu foque deux pattes mais elle le faijot.

Te cros que t'y arriveros aussi tiote bellote. Ah ch'est nin comme cha que cha s'écrit ichi??? Ch'est quo ch'brun?
tiote belotte31/01/2019 14:53
ouais, à l'époque du bistrot amiteux j'm'avos inscrit avec belotte avec foque un L, une faute, mais bon....j'ai argardé pou canger dins min compte mais faut passer par Eddy l'modérateur et j'vas nin l'déringer pou cha, alors cha restera belotte avec foque un L....
Asteur voler avec foque un L j'espère que cha va nin me faire teurner in rond
(et ron et ron petit patapon.....)
batisse31/01/2019 15:54
D'autint qu'i n'est nin facile à contacter nou bon Eddy...
JULES31/01/2019 22:31
Tiote Belotte, tiote Belotte... cha me disot bien quit'cose, mais quand j'ai vu qu'alle parlot d'bûche et d'foie gras, in bref ed' minger, chest ardevenu clair, j'l'arconnos
Pi in plus, cha vient d'éclairchir dins m'n'esprit l'histoir de l'belotte, je n'veyos pon l'rapport avec ine partie d'cartes, mais ch'est vrai que si alle veut parler d'sin physique... ch'et aut'cose !

In c'qu'y concerne Eddy, mi j'proposeros bien ine neuvaine à St Benoî Joseph l'arp', y a qu'a demander à Lou Marcel y sait du que ch'est !
JULES31/01/2019 22:35
ine petite parenthèse, depuis que sainte Thérèse alle a un nouviau PC, min clavier y fait la tronche et y saute des lettres
O n'avez qu'a rimplacher chés caractères manquants à vou mode
batisse01/02/2019 08:24
Ah! Te fais toudis équipe de nuit tisaute...
therese01/02/2019 20:13
J'voudros pas ram'ner m'fraise, mais Jules, ch'est St Antoine qui faut prier si in veut artrouver quiquin ou quicqosse

J'vas pinser à faire m'prière ech soir

Et vous aut', vous trompez pas de Saint parce qu'in ne sait pas du qu'in va s'artrouver si tout l'monde la haut, s' mêle de cha qui fait pas partie de c'qui dot faire

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:drisse
français:diarrhée
genre:n.f.
Accéder au glossaire